Yozda erkin agent maqomini oladigan argentinalik yarim himoyachi Anxel di Mariya o‘z xizmatlarini Madridning "Atletiko"siga taklif qildi. Tekin transfer imkoniyati borligiga qaramay, "matraschilar" bu variantdan bosh tortdi.

Corriere dello Sport jurnalistlarining xabar berishicha, madridliklar ustozi Diyego Simeone 34 yoshli argentinalik bilan hamkorlik qilishdan manfaatdor emas.

Avvalroq Anxel faoliyatini Italiya chempionatida davom ettirishi mumkinligi haqida xabarlar tarqalgan edi. Unga Turinning "Yuventus" klubi qiziqish bildirgan.

Di Mariya o‘tgan mavsumda "PSJ" safida Liga 1'da 26 ta o‘yinda maydonga tushib, 5 ta gol urdi va 7 ta golli uzatmani amalga oshirdi.