Ёзда эркин агент мақомини оладиган аргентиналик ярим ҳимоячи Анхель ди Мария ўз хизматларини Мадриднинг "Атлетико"сига таклиф қилди. Текин трансфер имконияти борлигига қарамай, "матрасчилар" бу вариантдан бош тортди.
Corriere dello Sport журналистларининг хабар беришича, мадридликлар устози Диего Симеоне 34 ёшли аргентиналик билан ҳамкорлик қилишдан манфаатдор эмас.
Аввалроқ Анхель фаолиятини Италия чемпионатида давом эттириши мумкинлиги ҳақида хабарлар тарқалган эди. Унга Туриннинг "Ювентус" клуби қизиқиш билдирган.
Ди Мария ўтган мавсумда "ПСЖ" сафида Лига 1'да 26 та ўйинда майдонга тушиб, 5 та гол урди ва 7 та голли узатмани амалга оширди.
