Hujumchi Federiko Bernardeski faoliyatini "Napoli"da davom ettirishi mumkin, deya xabar beradi jurnalist Nikolo Skira.
Italiya klubi unga ikki yillik shartnoma taklif qilishga tayyor. Biroq futbolchi neapolliklar jamoasining moliyaviy talablariga rozi bo‘lishga tayyor emas.
Avvalroq, "Yuventus" hujumchi bilan yangi shartnoma imzolash g‘oyasidan voz kechgani ma’lum bo‘lgandi. Endi u yozda erkin agentga aylanadi.
Bernardeski "Yuventus"da 2017 yilning iyulidan beri harakat qilib kelmoqda.
2021/22 yilgi mavsumda hujumchi jamoasi safida 35 ta o‘yinda maydonga tushib, 2 ta gol urdi va 6 ta golli uzatmani amalga oshirdi.