Ҳужумчи Федерико Бернардески фаолиятини "Наполи"да давом эттириши мумкин, дея хабар беради журналист Николо Скира.
Италия клуби унга икки йиллик шартнома таклиф қилишга тайёр. Бироқ футболчи неаполликлар жамоасининг молиявий талабларига рози бўлишга тайёр эмас.
Аввалроқ, "Ювентус" ҳужумчи билан янги шартнома имзолаш ғоясидан воз кечгани маълум бўлганди. Энди у ёзда эркин агентга айланади.
Бернардески "Ювентус"да 2017 йилнинг июлидан бери ҳаракат қилиб келмоқда.
2021/22 йилги мавсумда ҳужумчи жамоаси сафида 35 та ўйинда майдонга тушиб, 2 та гол урди ва 6 та голли узатмани амалга оширди.
