Yurgen Klopp Chempionlar ligasi finalida mag‘lub bo‘lganidan keyin o‘z fikrlarini bildirib o‘tdi. Kecha "Liverpul" turnir finalida "Real"ga (0:1) mag‘lub bo‘ldi.

“O‘yindan so‘ng, to‘pga egalik qilish tenglashganiga qaradim. Biz ko‘proq zarba berdik, ammo asosiy statistika Madrid tomonida. Hech kim meni "Real"ni tabriklamadim deb o‘ylamasligi uchun, men hozir buni qilyapman. Lekin shaxsan o‘zim o‘yinning barcha ishtirokchilarini tabrikladim.

Ular gol urishdi, biz esa yo‘q. Bu futbol olamidagi eng oddiy tushuntirish va buni qabul qilish qiyin. Darvozabon o‘yinning eng yaxshi futbolchisi bo‘lsa, bu jamoada nimadir noto‘g‘ri ketayotganini bildiradi. Bizda Kurtua aql bovar qilmaydigan seyvlar qilgan uchta aniq zarbaga ega bo‘ldik. Bizda shunday imkoniyatlar ko‘proq bo‘lishini istardim.

Biz maydonning so‘nggi uchdan bir qismida yaxshiroq o‘ynashimiz mumkin edi, chunki Kurtua tomon yo‘naltirilgan to‘plar unchalik ma’noga ega emas edi. Bizning eng yaxshi vaziyatlarimiz ular yetakchilikni qo‘lga kiritganlaridan keyin sodir bo‘ldi. Keyin biz darhol bo‘shliqlardan foydalanishga harakat qila boshladik.

Birinchi bo‘limda bizda yaxshi imkoniyatlar bo‘ldi. Birgina Sadio Manening zarbasini eslash kifoya. Ularning markaziy himoyachilari himoyani tashlab oldinga chiqishmadi qolishdi. Bu ular foydasiga qilingan to‘g‘ri tanlov bo‘ldi.

Ikkinchi bo‘limda biz ularning sxemasi bo‘yicha ko‘proq o‘yin qurmoqchi edik. Muammo “Real”ga qarshi o‘ynasang va ular shunchalik chuqur himoyalansa, qarshi hujumlar xavfi katta bo‘ladi. Buni e’tiborsiz qoldirib bo‘lmaydi. Rostini aytsam, “Liverpul” juda ko‘p yaxshi vaziyatlar qilganini ko‘rdim, ammo bu yetarli emas edi va biz buni qabul qilamiz”, dedi Klopp.