"Yuventus" Anxel Di Mariya va Pol Pogba transferi ustida ishlashda davom etmoqda.

Jurnalist Janluka Di Marsio xabariga ko‘ra, "Yuventus" hozircha "PSJ" va "Manchester Yunayted"ni tekinga tark etayotgan ushbu futbolchilarning hech biri bilan yakuniy kelishuvga erishgani yo‘q.

Bir necha kun oldin Italiya klubi rahbariyati Di Mariyaning agentlari bilan uchrashgan edi. Ikkalasi o‘rtasidagi aloqalar davom etmoqda, ammo transfer borasida hali kelishib olinmagan, chunki "Yuventus" Di Mariya hujumni kuchaytirish uchun eng yaxshi variant ekanligiga shubha qilmoqda.

Kecha "Manchester Yunayted"ni tark etishi rasman e’lon qilingan Pogbaga "Yuventus" bonuslarsiz yiliga 8 million evrolik shartnoma taklif qilmoqda. "Yuve" 29 yoshli yarim himoyachi bilan kelishib olishiga ishonmoqda. Kelgusi hafta Pogba bo‘yicha muzokaralarda hal qiluvchi bo‘ladi.