"Ювентус" Анхель Ди Мария ва Поль Погба трансфери устида ишлашда давом этмоқда.

Журналист Жанлука Ди Марцио хабарига кўра, "Ювентус" ҳозирча "ПСЖ" ва "Манчестер Юнайтед"ни текинга тарк этаётган ушбу футболчиларнинг ҳеч бири билан якуний келишувга эришгани йўқ.

Бир неча кун олдин Италия клуби раҳбарияти Ди Мариянинг агентлари билан учрашган эди. Иккаласи ўртасидаги алоқалар давом этмоқда, аммо трансфер борасида ҳали келишиб олинмаган, чунки "Ювентус" Ди Мария ҳужумни кучайтириш учун энг яхши вариант эканлигига шубҳа қилмоқда.

Кеча "Манчестер Юнайтед"ни тарк этиши расман эълон қилинган Погбага "Ювентус" бонусларсиз йилига 8 миллион эвролик шартнома таклиф қилмоқда. "Юве" 29 ёшли ярим ҳимоячи билан келишиб олишига ишонмоқда. Келгуси ҳафта Погба бўйича музокараларда ҳал қилувчи бўлади.