Angliya Premyer-ligasining “Lids” klubi “Zalsburg” himoyachisi Rasmus Kristensenni sotib olish borasida kelishuvga erishdi, deya xabar beradi insayder Fabrisio Romano.

Manba bergan xabarga ko‘ra, bugun, 8 iyun kuni futbolchi ingliz klubiga o‘tishini yakunlash uchun tibbiy ko‘rikdan o‘tadi.

24 yoshli daniyalik o‘tgan mavsumda "Zalsburg" safida 44 ta o‘yinda maydonga tushib, 10 ta gol urdi va 8 ta golga assistentlik qildi.

Himoyachining "Zalsburg" bilan shartnomasi 2025 yilning yoziga qadar mo‘ljallangan.