“Inter” hujumchisi Lautaro Martinesga bir qancha Yevropa grandlari qiziqish bildirmoqda.

Tuttomercatoweb xabariga ko‘ra, 24 yoshli futbolchiga "Chelsi", "PSJ" va "Atletiko" klublari qiziqish bildirmoqda. "Inter" Romelu Lukakuning qaytishi uchun pul yig‘ish maqsadida hujumchini sotishga tayyor.

Avvalroq Martines "neradzurrilar" tarkibida o‘ynashni davom ettirmoqchi ekani xabar qilingandi.

Argentinalik futbolchining Milan klubi bilan amaldagi shartnomasi 2026 yilning yozida yakuniga etadi. Transfermarkt hujumchini 70 mln yevroga baholamoqda.

Martines o‘tgan mavsumda "Inter" safida barcha turnirlarda 49 ta o‘yinda maydonga tushib, 25 ta gol urdi va 4 ta golga assistentlik qildi.