“Интер” ҳужумчиси Лаутаро Мартинесга бир қанча Европа грандлари қизиқиш билдирмоқда.
Tuttomercatoweb хабарига кўра, 24 ёшли футболчига "Челси", "ПСЖ" ва "Атлетико" клублари қизиқиш билдирмоқда. "Интер" Ромелу Лукакунинг қайтиши учун пул йиғиш мақсадида ҳужумчини сотишга тайёр.
Аввалроқ Мартинес "нерадзуррилар" таркибида ўйнашни давом эттирмоқчи экани хабар қилинганди.
Аргентиналик футболчининг Милан клуби билан амалдаги шартномаси 2026 йилнинг ёзида якунига этади. Transfermarkt ҳужумчини 70 млн еврога баҳоламоқда.
Мартинес ўтган мавсумда "Интер" сафида барча турнирларда 49 та ўйинда майдонга тушиб, 25 та гол урди ва 4 та голга ассистентлик қилди.
