Pol Pogba "PSJ"ga o‘tishi mumkin.
RMC Sport xabariga ko‘ra, agar Zinedin Zidan bosh murabbiy etib tayinlansa, 29 yoshli yarim himoyachi Parij klubi safiga kelib qo‘shilishi mumkin.
Zidan Pol haqida yuqori fikrda va uni "Real Madrid"da ko‘rishni xohlardi. Hozir esa Pogba parijliklar bilan muzokaralarni boshlash uchun Zinedinning "PSJ"ga rasman tayinlanishini kutmoqda.
Oldinroq Zidan "PSJ" bilan prinsipial kelishuvga erishgani malum bo‘lgandi.
Pogba iyun oyi yakunida "Manchester Yunayted"ni tekinga tark etadi.
U joriy mavsumda Premyer-liganing 20 ta o‘yinida 1 ta gol urdi va 9 ta golli uzatmani amalga oshirdi.