Поль Погба "ПСЖ"га ўтиши мумкин.
RMC Sport хабарига кўра, агар Зинедин Зидан бош мураббий этиб тайинланса, 29 ёшли ярим ҳимоячи Париж клуби сафига келиб қўшилиши мумкин.
Зидан Поль ҳақида юқори фикрда ва уни "Реал Мадрид"да кўришни хоҳларди. Ҳозир эса Погба парижликлар билан музокараларни бошлаш учун Зинединнинг "ПСЖ"га расман тайинланишини кутмоқда.
Олдинроқ Зидан "ПСЖ" билан принципиал келишувга эришгани малум бўлганди.
Погба июнь ойи якунида "Манчестер Юнайтед"ни текинга тарк этади.
У жорий мавсумда Премьер-лиганинг 20 та ўйинида 1 та гол урди ва 9 та голли узатмани амалга оширди.
