Hujumchi Darvin Nunyes Urugvay terma jamoasining navbatdagi o‘yinini o‘tkazib yuboradi. Record xabariga ko‘ra, hujumchi Panamaga qarshi o‘rtoqlik o‘yinida maydonga tushmaydi, chunki u "Benfika"dan "Liverpul"ga transferini yakunlaydi.

Manbaga ko‘ra, ingliz klubi Portugaliya klubi va 22 yoshli urugvaylik vakillari bilan transfer bo‘yicha kelishuvga erishgan.

“Liverpul” hujumchi uchun 80 million yevro to‘lashga tayyor, bonus to‘lovlari miqdori 20 million yevroga yetishi mumkin. Ingliz klubi futbolchiga 5 yillik shartnoma taklif qilmoqda.

2021/22 yilgi mavsumda Nunyes “Benfika” tarkibida 41 ta o‘yinda maydonga tushib, 34 ta gol urdi va 4 ta golli uzatmani amalga oshirdi.