Ҳужумчи Дарвин Нуньес Уругвай терма жамоасининг навбатдаги ўйинини ўтказиб юборади. Record хабарига кўра, ҳужумчи Панамага қарши ўртоқлик ўйинида майдонга тушмайди, чунки у "Бенфика"дан "Ливерпуль"га трансферини якунлайди.
Манбага кўра, инглиз клуби Португалия клуби ва 22 ёшли уругвайлик вакиллари билан трансфер бўйича келишувга эришган.
“Ливерпуль” ҳужумчи учун 80 миллион евро тўлашга тайёр, бонус тўловлари миқдори 20 миллион еврога етиши мумкин. Инглиз клуби футболчига 5 йиллик шартнома таклиф қилмоқда.
2021/22 йилги мавсумда Нуньес “Бенфика” таркибида 41 та ўйинда майдонга тушиб, 34 та гол урди ва 4 та голли узатмани амалга оширди.
