"Barselona" "Tottenxem"ning ispaniyalik himoyachisi Serxio Regilonga qiziqish bildirmoqda, deb xabar beradi The Telegraph.

Manbaning xabariga ko‘ra, Kataloniya klubi yozgi transfer oynasida futbolchini sotib olish variantini ko‘rib chiqmoqda. Biroq, transferlar uchun mablag‘ olish uchun avvaliga "Barselona" bir necha o‘yinchini sotishi kerak bo‘ladi.

25 yoshli Regilon "Real Madrid" tarbiyalanuvchisi hisoblanadi. U 2020 yildan beri "Tottenxem"da o‘ynamoqda. Ispaniyalik futbolchi o‘tgan mavsumda barcha turnirlarda 31 ta o‘yinda maydonga tushib, 2 ta gol urdi va 3 ta golli uzatmani amalga oshirdi. Uning klub bilan shartnomasi 2025 yilning yoziga qadar mo‘ljallangan.