Goal nashri xabariga ko‘ra, "Kristal Pelas" "Lans" yarim himoyachisi Sheyk Dukureni qo‘lga kiritish borasida muzokaralar olib bormoqda.
Manbaga ko‘ra, ingliz klubi 22 yoshli malilik futbolchi uchun 17 million yevro taklif qilgan, biroq Fransiya jamoasi futbolchi uchun 25 million yevro olmoqchi.
Dukure 2018 yil fevral oyida fransuz klubi safiga qo‘shilgandi. 2021/22 yilgi mavsumda yarim himoyachi jamoasi safida 37 ta o‘yinda maydonga tushib, 1 ta gol urdi va 4 ta golli uzatmani amalga oshirdi.
Transfermarkt.com portali futbolchining narxini 15 million yevroga baholamoqda.
