Goal нашри хабарига кўра, "Кристал Пэлас" "Ланс" ярим ҳимоячиси Шейк Дукурени қўлга киритиш борасида музокаралар олиб бормоқда.
Манбага кўра, инглиз клуби 22 ёшли малилик футболчи учун 17 миллион евро таклиф қилган, бироқ Франция жамоаси футболчи учун 25 миллион евро олмоқчи.
Дукуре 2018 йил февраль ойида француз клуби сафига қўшилганди. 2021/22 йилги мавсумда ярим ҳимоячи жамоаси сафида 37 та ўйинда майдонга тушиб, 1 та гол урди ва 4 та голли узатмани амалга оширди.
Transfermarkt.com портали футболчининг нархини 15 миллион еврога баҳоламоқда.