Ertaga 15 iyun kuni yurtimizda o‘tayotgan 23 yoshgacha bo‘lgan futbolchilar o‘rtasida yarim final uchrashuvlari bo‘lib o‘tadi. O‘zbekiston terma jamoasi final yo‘llanmasi uchun Yaponiyaga qarshi maydonga chiqadi. O‘zbekiston U-23 terma jamoasi sardori Jasur Jaloliddinov yarim final oldidan matbuot anjumanida ishtirok etib, o‘z fikrlar bilan o‘rtoqlashdi.

"Yarim finalga chiqqanimizdan xursandmiz, biroq bizning maqsadimiz — finalga chiqish. Yaponiyani hurmat qilamiz, ularda yaxshi jamoa shakllangan. Biroq biz o‘z oldimizga finalga chiqish vazifasini qo‘yganmiz.

Chorak finalda 10 kishi bo‘lib qolganimizda tushunib yetgandikki, agar biz yutqazib qo‘ysak, Ne’matovga ruhiy tomonlama salbiy ta’sir o‘tkazishi mumkin edi. Shu sababli ham biz jamoadoshimiz uchun o‘yinni qaytarishga va g‘alaba qozonishga harakat qildik", — dedi Jaloliddinov.