"Zenit" va Dortmundning "Borussiya" klubi sobiq yarim himoyachisi Aksel Vitsel "Atletiko"ga o‘tishga yaqin turibdi, deb xabar beradi RTBF Football.
33 yoshli belgiyalik futbolchi tez orada ispan jamoasi bilan shartnoma imzolashi mumkin. Muzokaralar ilg‘or bosqichda.
Avvalroq yarim himoyachiga Angliya Premyer-ligasining klublari va Fransiyaning “Marsel” klubi qiziqish bildirayotgani haqida xabar berilgandi.
O‘tgan mavsumda Vitsel dortmundliklar safida 41 ta o‘yinda maydonga tushib, 2 ta gol urishga muvaffaq bo‘ldi. Uning klubi bilan shartnomasi 2022 yilning 30 iyuniga qadar mo‘ljallangan.