"Зенит" ва Дортмунднинг "Боруссия" клуби собиқ ярим ҳимоячиси Аксел Витсель "Атлетико"га ўтишга яқин турибди, деб хабар беради RTBF Football.
33 ёшли бельгиялик футболчи тез орада испан жамоаси билан шартнома имзолаши мумкин. Музокаралар илғор босқичда.
Аввалроқ ярим ҳимоячига Англия Премьер-лигасининг клублари ва Франциянинг “Марсель” клуби қизиқиш билдираётгани ҳақида хабар берилганди.
Ўтган мавсумда Витсель дортмундликлар сафида 41 та ўйинда майдонга тушиб, 2 та гол уришга муваффақ бўлди. Унинг клуби билан шартномаси 2022 йилнинг 30 июнига қадар мўлжалланган.