Divok Origi yaqin orada “Milan”ga o‘tadi.
Correira Dello Sport xabariga ko‘ra, 27 yoshli hujumchi Italiya klubiga o‘tish uchun yaqin kunlarda tibbiy ko‘rikdan o‘tadi.
Belgiyalik futbolchining “Liverpul” bilan shartnomasi shu yozda yakuniga yetdi. U ingliz klubida 2014 yildan buyon o‘ynab kelayotgan edi.
Xabar qilinishicha, hujumchi "Milan" bilan yiliga 3,5 million yevro evaziga 4 yillik shartnoma imzolaydi.
Origi o‘tgan mavsumda "Liverpul" safida barcha turnirlarda 18 ta o‘yinda maydonga tushib, 6 ta gol urdi va 2 ta golli uzatmani amalga oshirdi.