Дивок Ориги яқин орада “Милан”га ўтади.
Correira Dello Sport хабарига кўра, 27 ёшли ҳужумчи Италия клубига ўтиш учун яқин кунларда тиббий кўрикдан ўтади.
Бельгиялик футболчининг “Ливерпуль” билан шартномаси шу ёзда якунига етди. У инглиз клубида 2014 йилдан буён ўйнаб келаётган эди.
Хабар қилинишича, ҳужумчи "Милан" билан йилига 3,5 миллион евро эвазига 4 йиллик шартнома имзолайди.
Ориги ўтган мавсумда "Ливерпуль" сафида барча турнирларда 18 та ўйинда майдонга тушиб, 6 та гол урди ва 2 та голли узатмани амалга оширди.