Dortmundning "Borussiya" klubi bilan shartnomasi yakunlangan belgiyalik yarim himoyachi Aksel Vitsel faoliyatini Ispaniyada davom ettiradi, deya xabar berdi jurnalist-insayder Matteo Moretto.
Manbaga ko‘ra, yarim himoyachi "Atletiko" tomonidan taklif qilingan 2023 yilgacha shartnomani qabul qilgan. Yaqin orada kichik detallar kelishib olinadi.
33 yoshli Vitsel o‘tgan mavsum "asalarilar" tarkibida jami 40 ta o‘yinda 2 ta gol urdi.