"Real" klubi "Yuventus" hujumchisi Paulo Dibalaga qiziqish bildirmoqda, deb xabar beradi Tuttosport.

Manbaga ko‘ra, Madrid klubi vinger Marko Asensio jamoani tark etgan taqdirda 28 yoshli argentinalik futbolchini o‘z safiga qo‘shib olishga harakat qiladi.

Eslatib o‘tamiz, Dibala 2022 yilning 30 iyunida erkin agentga aylanadi. O‘tgan mavsumda hujumchi Turin klubi safida barcha turnirlar doirasidagi 39 ta o‘yinda 15 ta gol urdi va 6 ta golli uzatmani amalga oshirdi.

Avvalroq Dibala "Inter"ga o‘tishi haqida xabarlar tarqalgan edi.