Fichajes portali ma’lumotlariga ko‘ra, Madridning "Atletiko" jamoasi yozda "PSJ"ning ikki futbolchisi Jorjinyo Veynaldum va Pablo Sarabiya bilan shartnoma imzolamoqchi.
Manbaga ko‘ra, Madrid klubi yuqorida sanab o‘tilgan ikki futbolchi uchun 35 million yevro sarflashi mumkin.
"PSJ" Kilian Mbappe bilan shartnoma uzaytirilganidan so‘ng, maosh chegarasini muvozanatlash uchun futbolchilarni sotishga tayyor.
O‘tgan mavsumda Veynaldum Liga 1da 31 ta o‘yinda maydonga tushib, 1 ta gol va 3 ta golli uzatmaga mualliflik qilgan. Sarabiya Lissabonning "Sporting" klubida ijara asosida o‘ynagan va u yerda 29 ta o‘yin o‘tkazib, 15 ta gol va 6 ta golli uzatmani amalga oshirgan.
