"Inter" bosh direktori Juzeppe Marotta klub "Chelsi" hujumchisi Romelu Lukaku bo‘yicha kelishuvga erishganini tasdiqladi.
“Ushbu kelishuvni amalga oshirishda yordam bergan barchaga rahmat aytmoqchiman. Men juda ko‘p ish qilishim kerak edi. Endi so‘nggi savollarni yopish qoldi", - deya Marotta so‘zlaridan iqtibos keltirgan jurnalist-insayder Fabrisio Romano.
Xabarlarga ko‘ra, "Inter" 2022/23 yilgi mavsum uchun "Chelsi"dan 29 yoshli Lukakuni sotib olishga yaqin turibdi. Italiya klubi ijara uchun 8 million yevro to‘laydi, londonliklar esa yana 4 millionni bonus sifatida olishlari mumkin.
Futbolchining o‘zi maoshini yiliga 12 million yevrodan 8 million yevroga kamaytirishga rozi bo‘lgan.
2021/22 yilgi mavsumda Romelu "Chelsi" safida barcha turnirlar doirasida 42 ta o‘yinda maydonga tushib, 13 ta gol urdi va 5 ta golli uzatmani amalga oshirdi.
