Madridning “Real” klubi yarim himoyachisi Toni Kroosga shartnomani uzaytirish taklifi tushdi. Madrid klubi 2024 yilgacha mo‘ljallangan shartnoma imzolashni taklif qildi.

Kroosning "Real" bilan amaldagi shartnomasi 2023 yilning yoziga qadar mo‘ljallangan. Biroq AS xabariga ko‘ra, 32 yoshli germaniyalik shartnomani uzaytirishga shoshilmayapti, chunki u avvalo jamoaga foydasini baholamoqchi.

Manbaga ko‘ra, Kroos jamoa muvaffaqiyati uchun o‘zini zarur deb hisoblasa, "Real"da qolishga tayyor bo‘ladi.

Kroos o‘tgan mavsumda barcha musobaqalarda 44 ta o‘yinda maydonga tushib, 3 ta gol urdi va 3 ta golga assistentlik qildi.