“Lion” klubi yarim himoyachi Korentin Tolissoni rasman tanishtirdi.
Fransiyalik futbolchi klubga tekinga kelib qo‘shildi. Futbolchi bilan 2027 yilgacha mo‘ljallangan shartnoma imzolangan. U 2017 yilgacha olimpiyachilar safida o‘ynadi, shundan so‘ng 41,5 million yevro evaziga “Bavariya”ga o‘tdi.
Myunxenliklar safida Tolisso 117 ta o‘yin o‘tkazib, 21 ta gol urgan va 15 ta golli uzatmani amalga oshirgan. Transfermarkt 27 yoshli fransiyalik futbolchini 15 million yevroga baholamoqda.