"Chelsi" yarim himoyachisi Xakim Ziyesh boshqa jamoaga o‘tishi mumkinligi haqidagi mish-mishlar ortidan keyingi faoliyatini o‘zi hal qilish niyatida ekanligini ma’lum qildi. OAV xabarlariga ko‘ra, Ziyesh "Milan"ga o‘tishi mumkin.
“Men hayotimda shunday nuqtaga yetdimki, o‘zimning professional kelajagimni to‘liq nazorat qilish vaqti kelganini his qildim.
Men karyeram bo‘yicha muzokaralar va qarorlar menga bog‘liq bo‘lishini istayman. Shunday qilib, oldinga intilishda davom etamiz”, — deb yozdi Ziyesh o‘zining ijtimoiy tarmoqlarida.
Marokashlik futbolchining “Chelsi” bilan shartnomasi 2025 yilning yoziga qadar tuzilgan va shu kunga qadar klub safida 83ta o‘yinda maydonga tushib, 14ta gol urgan.
