"Челси" ярим ҳимоячиси Хаким Зиеш бошқа жамоага ўтиши мумкинлиги ҳақидаги миш-мишлар ортидан кейинги фаолиятини ўзи ҳал қилиш ниятида эканлигини маълум қилди. ОАВ хабарларига кўра, Зиеш "Милан"га ўтиши мумкин.

“Мен ҳаётимда шундай нуқтага етдимки, ўзимнинг профессионал келажагимни тўлиқ назорат қилиш вақти келганини ҳис қилдим.

Мен карьерам бўйича музокаралар ва қарорлар менга боғлиқ бўлишини истайман. Шундай қилиб, олдинга интилишда давом этамиз”, — деб ёзди Зиеш ўзининг ижтимоий тармоқларида.

Марокашлик футболчининг “Челси” билан шартномаси 2025 йилнинг ёзига қадар тузилган ва шу кунга қадар клуб сафида 83та ўйинда майдонга тушиб, 14та гол урган.