“Andijon” klubi yozgi yig‘inini davom ettirmoqda. Shu bilan birga seleksiya ishlari ham olib borilyapti.

Tarkibdagi raqobatni yanada kuchaytirish maqsadida tarkibga hujumkor futbolchi – Suhrob Berdiyev qo‘shilganini ma’lum qilamiz.

Ushbu o‘yinchi joriy mavsumning dastlabki qismini “Yangiyer” safida o‘tkazgan bo‘lib, 13 ta uchrashuvda maydonga tushdi va raqiblar darvozasiga 3 ta gol urdi. Bundan tashqari, O‘zbekiston Kubogi guruh bahslarida 3 ta o‘yinda ishtirok etib, 1 ta gol muallifiga aylangan.

Berdiyev faoliyati mobaynida AGMK, “So‘g‘diyona”, Sho‘rtan”, “Paxtakor”, “Qo‘qon-1912” kabi klublarda ham samarali tarzda to‘p surgan.

Ayni chog‘da jamoada seleksiya ishlari davom etyapti.

Eslatib o‘tamiz, bugun “Andijon” yozgi yig‘in doirasida dastlabki nazorat uchrashuvini Olmaliqda AGMKga qarshi o‘tkazadi. Uchrashuv soat 18:00 da boshlanadi.