“Barselona” yangi mavsumdagi ilk nazorat uchrashuvida “Olot” jamoasi bilan durang o‘ynadi (1:1), biroq Xavi Ernandes bu natijadan unchalik hafsalasi pir emas.

Birinchi bo‘lim o‘rtalarida Pyer-Emerik Obameyang raqib darvozasini ishg‘ol qildi, ammo Ispaniyaning beshinchi divizioni vakili bo‘lgan klub yakunda "Barselona" bilan durang o‘ynashga muvaffaq bo‘ldi.

"Bu birinchi o‘yin ekanligi, shu bois, bizga tezlik yetishmayotgani aniq edi. Bizda juda ko‘p imkoniyatlar bo‘ldi, ammo ulardan foydalana olmadik. Bugun yosh futbolchilarimizning o‘yinida ko‘p ijobiy tomonlarni ko‘rdim. Ha, biz g‘alaba qozona olmadik, ammo hozir buning ahamiyati yo‘q”, - dedi “Barselona” bosh murabbiyi.