Milanning “Inter” klubi hujumchisi Edin Jeko Angliya Premyer-ligasiga qaytishga yaqin turibdi. Avvalroq bosniyalik futbolchi "Manchester Siti"da o‘ynagan bo‘lsa, endi uning xizmatlariga "Everton" va "Vulverxempton" qiziqish bildirmoqda.
Xabarlarga ko‘ra, "Inter" "Yuventus"ning sobiq hujumchisi Paulo Dibalani qo‘lga kiritish uchun 36 yoshli Jeko bilan xayrlashishga tayyor. Edinning milan klubi bilan amaldagi shartnomasi 2023 yilning yoziga qadar tuzilgan.
Bosniyalik futbolchi o‘tgan mavsumda 49 ta o‘yinda 17 ta gol urdi va 10 ta golli uzatmani amalga oshirdi.