Sky Sports xabariga ko‘ra, PSV "Everton" himoyachisi Jarrad Brentueytga qiziqish bildirmoqda.
Manba bergan xabarga ko‘ra, Niderlandiya klubi 20 yoshli ingliz futbolchisini bir yilga ijaraga olishni rejalashtirgan. Tomonlar muzokaralarning yakuniy bosqichida ekani aytilmoqda.
Brentueyt o‘tgan mavsumda "Everton" tarkibida 8 o‘yinda 1 gol urgan. Transfermarkt.com portali futbolchining narxini 3 million yevroga baholamoqda.