"Barselona" o‘zining rasmiy saytida "Bavariya" bilan hujumchi Robert Levandovskini sotib olish borasida kelishuvga erishganini e’lon qildi. 33 yoshli polshalik futbolchi bilan 4 mavsumga shartnoma imzolaydi. Shartnomada 500 million yevro tovon puli ko‘zda tutilgan.

"Barselona" va "Bavariya" Robert Levandovski transferi bo‘yicha jami 45 million yevro + 5 million yevro bonuslar bo‘yicha kelishuvga erishdi. Futbolchi klub bilan to‘rt mavsumga shartnoma imzolaydi. Tovon puli 500 million yevro qilib belgilanadi.

Yakuniy kelishuv polshalik hujumchi bilan kelishuv e’lon qilinganidan uch kun o‘tib, jamoa AQSHga uchib ketganidan so‘ng amalga oshirildi. Levandovski yakshanba kuni Mayamiga etib keldi va yangi jamoadoshlari bilan uchrashdi. “Barsa”ning yangi hujumchisi tibbiy ko‘rikdan o‘tdi”, — deyiladi xabarda.

Levandonvski "Bavariya"da 8 mavsum o‘tkazdi. Bu vaqt ichida u barcha musobaqalarda 375 ta uchrashuvda 344 ta gol urdi va 72 ta golli uzatmani amalga oshirdi.