"Барселона" ўзининг расмий сайтида "Бавария" билан ҳужумчи Роберт Левандовскини сотиб олиш борасида келишувга эришганини эълон қилди. 33 ёшли польшалик футболчи билан 4 мавсумга шартнома имзолайди. Шартномада 500 миллион евро товон пули кўзда тутилган.
"Барселона" ва "Бавария" Роберт Левандовски трансфери бўйича жами 45 миллион евро + 5 миллион евро бонуслар бўйича келишувга эришди. Футболчи клуб билан тўрт мавсумга шартнома имзолайди. Товон пули 500 миллион евро қилиб белгиланади.
Якуний келишув польшалик ҳужумчи билан келишув эълон қилинганидан уч кун ўтиб, жамоа АҚШга учиб кетганидан сўнг амалга оширилди. Левандовски якшанба куни Майамига этиб келди ва янги жамоадошлари билан учрашди. “Барса”нинг янги ҳужумчиси тиббий кўрикдан ўтди”, — дейилади хабарда.
Левандонвски "Бавария"да 8 мавсум ўтказди. Бу вақт ичида у барча мусобақаларда 375 та учрашувда 344 та гол урди ва 72 та голли узатмани амалга оширди.
