"Vest Xem" himoyachisi Issa Diop yaqin orada "Fulxem"ga o‘tmoqchi. L'Equipe xabariga ko‘ra, bosh murabbiy Devid Moyes futbolchini qo‘yib yuborishga rozi bo‘lgan.
Avvalroq u 25 yoshli fransiyalik futbolchining ketishiga qarshi chiqqandi, chunki jamoaga yangi kelgan Nayef Agerd jarohat olgandi. Biroq futbolchi bilan suhbatdan so‘ng tomonlar Diopning boshqa klubga o‘tishi bo‘yicha kelishuvga erishishdi.
Transfer bonuslar bilan birga 20 million yevro bo‘lishi kutilmoqda.
O‘tgan mavsumda Diop 26 ta o‘yinda maydonga tushib, 1 ta gol va 2 ta golli uzatmani amalga oshirdi.
