"Yuventus" bosh murabbiyi Massimiliano Allegri jamoasi "Barselona" bilan 2:2 hisobida durang o‘ynagan o‘rtoqlik uchrashuvidan so‘ng o‘z fikrlari bilan o‘rtoqlashdi.

Kataloniya klubining ikkala goliga Usmon Dembele mualliflik qildi. “Yuventus” safida Moyse Kin dubl qayd etdi.

“Bu yaxshi mashg‘ulot bo‘ldi. Qilayotgan ishlarimiz va tayyorgarlik ishlaridan mamnunman. Biz gol o‘tkazib yubormaslikka ko‘proq etibor qaratishimiz kerak, ammo hozir hammasi yaxshi ketmoqda", - deya Allegrining so‘zlarini keltirmoqda "Yuventus" matbuot xizmati.