"Milan" himoyachisi Fikayo Tomori kelasi mavsumda Turinning “Yuventus” klubi hujumchisi Dushan Vlaxovich va shu yozda Londonning “Chelsi” klubidan ijara asosida “Inter”ga o‘tgan hujumchi Romelu Lukakuga qarshi qanday o‘ynashni rejalashtirayotgani haqida gapirdi.
“Ular bilan birga-bir vaziyatda o‘ynash juda qiyin. Ular kuchli, tezkor va ajoyib fazilatlarga ega. Bunday o‘yinchilarga qarshi o‘ynash uchun siz doimo izlanishda bo‘lishingiz kerak. Ular qaysi yo‘nalishda harakat qilishlarini oldindan bilishingiz kerak", - dedi Tomori La Gazzetta dello Sport nashriga bergan intervyusida.
O‘tgan mavsumda Tomori "Milan" bilan Skudettoni qo‘lga kiritib, professional faoliyatidagi ilk sovrinni yutgandi.
