"Manchester Siti"ning sobiq futbolchisi Trevor Sinkler "Manchester Yunayted" hujumchisi Krishtianu Ronalduni tanqid qildi.

Xabaringiz bor, Krishtianu Ronaldu kelasi mavsumda Chempionlar ligasida ishtirok etish uchun yozgi transfer oynasida “Manchester Yunayted”ni tark etmoqchi.

"Menimcha, Ronaldu bu mavsumda Chempionlar ligasida o‘ynash huquqini qo‘lga kirita olmadi, chunki uning jamoasi yetarli darajada emas.

Bilasizmi, ko‘pchilik Ronalduning yoshlarga yaxshi ta’siri haqida gapirardi. Xo‘sh, endi u yosh futbolchilarga ta’sir o‘tkazishning uyatli usulini tanladimi? U "Men buni xohlamayman, men buni xohlayman, klub muhim emas, hammasi mening rekordlarim bilan bog‘liq"-degan maqsadni ko‘zlamoqda..." - dedi Sinkler talkSPORT nashriga.