"Real Madrid" bosh murabbiyi Karlo Anchelotti "Ayntraxt"ga qarshi UYEFA Superkubogi o‘yini oldidan fikrlari bilan o‘rtoqlashdi.
"Bizda "Ayntraxt"dan biroz yomonroq vaziyat bor, chunki mavsum Germaniyada ertaroq boshlanadi, ammo biz baribir g‘alaba qozonish uchun o‘ynaymiz. Biz baxtni hujumda qidiramiz, lekin katta kuchlar bilan himoyalanmaymiz. O‘tgan mavsumdagi g‘alabalar bizni o‘zimizga ishontirdi, ammo endi bor e’tiborni bo‘lajak o‘yinlarga qaratishimiz kerak. Yangi mavsumda oltita sovrin xavf ostida bo‘ladi va biz ularning har biri uchun kurashmoqchimiz.
"Ayntraxt" o‘tgan mavsumda o‘ziga xos ish qildi, chunki ular aniq favorit emas edi. Ular ajoyib o‘yinlar o‘tkazishdi, "Kamp Nou"da "Barselona"ni qarshi hujumlarda mag‘lub etishdi, himoyaga katta e’tibor berishdi va bir bosqichdan ikkinchi bosqichga tez o‘tishdi", - deya Anchelotti so‘zlarini keltiradi klub rasmiy sayti.
