Angliya premyer-ligasining ikki top-klubi “Vilyarreal”ning yosh yarim himoyachisi Jeremi Pinoga ko‘z tikkan. Jurnalist Xavi Xorkeraning xabar berishicha, futbolchi uchun “Arsenal” va “Liverpul” klublari 40 million yevro taklif qilgan.
Biroq “Vilyarreal” har ikki klub takliflarini rad etib bo‘lgan. Manbaga ko‘ra, "sariq suv osti kemasi" o‘z yarim himoyachisini 60 million yevro evaziga qo‘yib yuborishga tayyor.
Futbolchi bosh murabbiy Luis Enrike tomonidan chaqirilgan Ispaniyaning kattalar terma jamoasida allaqachon ikkita o‘yin o‘tkazishga muvaffaq bo‘ldi.