Holand va Nunyes APLga kelgach, tabiiyki, ularning qaysi biri muvaffaqiyatliroq transfer bo‘lib chiqishi haqida munozaralar yuzaga keldi. Qaysi hujumchi ko‘proq gol urishi mumkinligi, masalan.

Menimcha, Holand ko‘proq gol uradi. Chunki “Manchester Siti”da Aguerodan keyin haqiqiy bombardir yo‘q edi, Sterling ketgach esa, o‘z golini sanab yuradigan yarimhimoyachilar ham qolmadi. Grilish ham, De Bryuyne yoki Foden ham bemalol Holandning gol urishiga o‘ynashlari mumkin. Hatto penaltini ham Holand tepdi-ku... Umuman Holandda Krishtianudan nimadir bor, ikkita gol urib ham, xet-trik qilmaganiga, zaxiraga olinganiga jaxli chiqqani yorqin misol.

Darvin Nunyesda vaziyat boshqacharoq. “Liverpul”da Muhammad Saloh ham bor.  Klopp shogirdlari jamoaviy o‘yin ko‘rsatishsa-da, oldingi chiziqdagi futbolchilarda golga bo‘lgan tashnalik kuchliroq. Darvin o‘z vaziyatlarini izlashi, ko‘p golishi mumkin, ammo xuddi Manchesterdagi Xoland kabi, asosiy hujum quroli bo‘lmaydi. Nunyes jamoasi g‘alabasiga qanday qilib bo‘lsa ham, hissa qo‘shganidan baxtli bo‘ladigan futbolchi. Holand baxtli bo‘lishi uchun jamoasi g‘alabasi kifoya qilmaydi, o‘zi ham gol urishi shart.

Albatta, birining ko‘proq urishi ikkinchisidan ko‘ra foydaliroq bo‘lib chiqqanini anglatmaydi. Jamoaga keltirayotgan foydasi gol bilan o‘lchanmaydi-ku, to‘g‘rimi? Aslida Darvin ancha foydaliroq bo‘lishi, “Liverpul”ni kuchaytirishi mumkin. Hatto birinchi turdagi o‘yinlar ham yuqoridagi farazni ko‘rsatayotgandek – Holand jamoasi yaqqol ustunlik qilgan o‘yindagi gollarni o‘z hisobiga yozib qo‘ydi, Darvin esa, o‘yinda burilish yasab, qahramonga aylandi.

Qahramon Aslanov.