"PSJ" hujumchisi Mauro Ikardining rafiqasi va agenti Vanda Nara navbatdagi muzokaralarni o‘tkazish uchun Istanbulga keldi.
RMC Sport xabariga ko‘ra, hujumchiga ikki klub - "Galatasaroy" va "Fenerbaxche" qiziqish bildirmoqda.
Ikardi o‘z faoliyatini qaytadan boshlamoqchi va u muntazam o‘yin amaliyotiga ega bo‘ladigan yaxshi klubga o‘tmoqchi. Shuningdek, u oilasi qulay bo‘ladigan shaharda yashashni xohlaydi.
Asosiy variant dastlab Italiya edi, ammo hozir Mauro boshqa mamlakatlarni ko‘rib chiqishga tayyor.
"PSJ", avvalroq xabar qilinganidek, argentinalikni o‘z rejalariga kiritmagan.
O‘tgan mavsumda Ikardi Liga 1da 24 ta o‘yinda maydonga tushib, 4 ta gol urgan.
