"Manchester Yunayted" PSV yarim himoyachisi Kodi Gakpoga qiziqish bildirmoqda.
The Telegraph xabariga ko‘ra, ingliz klubi 23 yoshli futbolchi uchun 34 million funt taklif qilmoqchi. Niderlandiya klubi yarim himoyachi uchun katta summa - taxminan 38,2 million funt (45 million yevro) talab qilmoqda.
Qayd etilishicha, transferni amalga oshirish qiyin bo‘ladi, chunki PSV kelasi hafta Chempionlar ligasi pley-offining javob o‘yinini “Reynjers”ga qarshi o‘tkazadi va klub bu o‘yindan oldin kelishuvga erishmoqchi emas.
Gakpo avvalroq jamoa Chempionlar ligasi guruh bosqichiga chiqsa, PSVda qolishini aytgandi.
Joriy mavsumda futbolchi PSV safida 4 ta o‘yinda 3 ta gol urdi va 2 ta golli uzatmani amalga oshirdi. Transfermarkt.com portali futbolchini 30 million yevroga baholamoqda.
Gakponing PSV bilan shartnomasi 2026 yilning yoziga qadar amal qiladi.