"Manchester Siti" va Portugaliya terma jamoasi yarim himoyachisi Bernardu Silva "PSJ"ga o‘tishga qiziqmoqda, deb xabar beradi L'Equipe.
Manbaning xabariga ko‘ra, fransuz klubi yozgi transferlar oynasi tugaguniga qadar futbolchini sotib olishga umid qilmoqda. Biroq, uni sotib olish oson bo‘lmaydi, chunki "shaharliklar" yarim himoyachi uchun 100 million yevro olishni xohlashadi. Avvalroq, portugaliyalik futbolchiga "Barselona" qiziqish bildirayotgani, ammo kataloniyaliklarda uning transferi uchun mablag‘ yo‘qligi haqida xabar berilgandi.
28 yoshli Silva joriy mavsum “Manchester Siti” safida 3 ta o‘yinda maydonga tushdi. Uning klub bilan shartnomasi 2025 yilning yoziga qadar mo‘ljallangan.