"Yuventus" Kazemiroga "Manchester Yunayted"ga o‘tishdan oldin qiziqqan edi.
"Real" va "Manchester Yunayted" kecha 30 yoshli yarim himoyachining transferi bo‘yicha kelishuvni rasman tasdiqladi.
Turin klubi ham braziliyalikni taklif qilish imkoniyatini avvalroq o‘rganib chiqqandi.
"Byankonerilar" bosh murabbiyi Massimiliano Allegri shaxsan o‘zi futbolchiga qo‘ng‘iroq qilib, ehtimoliy transferni muhokama qilgan.
Shunga qaramay, tomonlar kelishuv shartlari bo‘yicha kelisha olmadilar.
Kazemiro "Yunayted" bilan 4+1 ko‘rinishida shartnoma imzolaydi va Angliyada haftasiga 350 ming funt maosh oladi.
