"Leypsig" bosh murabbiyi Domenko Tedesko jamoa yarim himoyachisi Konrad Laymer "Bavariya"ga o‘tmasligini aytdi.
“Hamma biladiki, “Bavariya” uni sotib olmoqchi edi, ammo biz Konradni saqlab qolishga muvaffaq bo‘ldik. U qoladi. Shaxsan men uchun bu to‘rt hafta oldin aniq edi", - dedi Tedesko.
Oldinroq myunxenliklar futbolchi bilan shartnoma shartlari bo‘yicha kelishib olgani ma’lum bo‘lgandi, ammo "Bavariya" yarim himoyachi uchun talab qilinadigan 30 million yevroni to‘lamoqchi emas.
Shundan so‘ng Yulian Nagelsmann jamoasi 25 yoshli avstriyalik futbolchining transferi bo‘yicha muzokaralarni to‘xtatdi.
Laymer o‘tgan mavsumda "Leypsig" safida 41 ta o‘yinda maydonga tushib, 5 ta gol urdi va 6 ta golli uzatmani amalga oshirdi.