"Лейпциг" бош мураббийи Доменко Тедеско жамоа ярим ҳимоячиси Конрад Лаймер "Бавария"га ўтмаслигини айтди.
“Ҳамма биладики, “Бавария” уни сотиб олмоқчи эди, аммо биз Конрадни сақлаб қолишга муваффақ бўлдик. У қолади. Шахсан мен учун бу тўрт ҳафта олдин аниқ эди", - деди Тедеско.
Олдинроқ мюнхенликлар футболчи билан шартнома шартлари бўйича келишиб олгани маълум бўлганди, аммо "Бавария" ярим ҳимоячи учун талаб қилинадиган 30 миллион еврони тўламоқчи эмас.
Шундан сўнг Юлиан Нагельсманн жамоаси 25 ёшли австриялик футболчининг трансфери бўйича музокараларни тўхтатди.
Лаймер ўтган мавсумда "Лейпциг" сафида 41 та ўйинда майдонга тушьиб, 5 та гол урди ва 6 та голли узатмани амалга оширди.