"Chelsi" himoyachisi Trevo Chaloba "Inter"ning himoyani kuchaytirish uchun asosiy maqsadi hisoblanadi. La Gazzetta dello Sport xabariga ko‘ra, "neradzurrilar" rahbariyati Franchesko Acherbidan ko‘ra ingliz futbolchisini afzal ko‘rmoqda.

Qayd etilishicha, bitim ijara asosida amalga oshirilishi mumkin. Shu bilan birga, "Chelsi" sotib olish variantini kiritish niyatida emas.

Eslatib o‘tamiz, Chaloba o‘tgan mavsumni "Chelsi" tarkibida o‘tkazgandi. 23 yoshli Trevo klub uchun barcha musobaqalarda 4 ta gol urishga muvaffaq bo‘ldi.